نفسى اضحك
والضحكه تطلع من القلب تدوى
ولما اغنى البحر يضحك
والشمس تجرى تستخبا
ولما ابكى
استريح من حزن قلبى
ولما اغمض احضن برمشى احلى نجمه
واطلع معها نرقص ونجرى
واشوف فى حلمى
انى وردة لونها بمبى
او فراشه بلون ملامحى
واشوف حبيبى جاى ياخدنى
وع السحاب يكون فى حضنى
نفسى ونفسى
نفسى مرة اكون اميرة
والكون دا كله يبقا ملكى
نفسى ارسم لوحه حلوة
بحر حاضن السما
والنخيل بيعاكس الغروب
والقمر بانت معالمه
جزء منه بينادى انا هنا
نفسى اكون زى الطير
ضحكه ماليه السما
نفسى اكتب مليون قصيدة
كل كلمه فيهم قصيدة
نفسى كل الناس دى تعرف
انى عاشقه متيمه
وكل حلم شفته
وكل معنى عشته
هى حقيقه
مع حبيبى انا
هناك تعليقان (2):
يااااااااااااه بجد لمستنى الكامت دى اوى مش عارف ليه احاسيسك كلهاهادية وطبيعية وصادقة عشان كده قريبة من الناس يعنى انا متاكد لو أى بنت قرات المدونة كمان هتحس بيها أكتر من الولد دايما فى تميز ان شاء الله
وتقبلى تحياتى
مانو بجد ربنا يخليك يا عسل
سعيدة جدا برايك الجميل دا
والحمد لله بجد انك حاسسها كدا
نورتنى يا جميل
إرسال تعليق