الثلاثاء، 11 نوفمبر 2008

قلبى عايزك



مسحوبه الروح معاك
مجرورة وراك الخطاوى
ودموع الشوق تأن
بلقاك القلب خاطى
ياسحر أمر من الجن
وعيب فى النفس قاض
أدمنت هواك لكن
عقلى لساه بيكابر
ياخيال عدا الخيال
ولمسنى باحلا واقع
مسحوبه الروح معاك
مجرورة وراك الخطاوى
مجنون العقل رافضك
بيقول عليك غويط
جننت نبض قلبى
ليل نهار يناديك
تلف بيا وتغرق فيا
تتوهنى فيك
مسروقه روحى منى
غرقانه فى بحور عنيك
قلبى عايزك
تعيش فيه
وعقلى شارط
احل طلاسمك
اروح بشوقه
ارجع بتوهة تدوبنى فيك
وارجع اضحك على عقلى تانى
اقول نسيت
ومن وراه
قلبى عاشقك روحه فيك

هناك تعليقان (2):

Nora 7wades يقول...

اية ياستى الحلاووة دى
وكلام جمييل جداااااااااااا

رقة الندى يقول...

تسلمى يا بنوته

بس ايه يابنتى الغموض دا

داانا ولا حتى عارفه اوصل لمدونتك

لو دخلتى سيبى لينك ولا اى حاجه

ومرسى لوجودك الجميل ياقمرايه