السبت، 8 نوفمبر 2008

زى حلم

نفسى اعيط
واجرى فى حضنك استخبى
انسى نفسى
وانسى حزنى
وافتكر بس انى جمبك
وباديك تمسح دموعى
تلم ضعفى
ترسم البسمه فوق شفايفى
وفى عنيك اقرء قصايدك
نفسى فى يوم اشوف ملامحك
قلبى عاشقك
وابتديت اكره بعادنا
مليون مسافه يا حبيبى
وبحور وجبال مابينا
زى حلم فى يوم الشتا يكون فى عز البرد حر
والنهار يجى فيه القمر بدر
دى لحظه لقانا يا حبيبى مستحيله
وصعب اسلم فى يوم وليله
لكن مش بايدى الا حلم ..وامنيه اكيد بعيدة
مش سعيدة
ولا راضيه ابدا عن هوانا
كل همى متضعش منى
كل همك اكون بس ملكك
ازى وفين والبعاد زى سجن ..
مكتوب علينا


ليست هناك تعليقات: