الجمعة، 5 ديسمبر 2008

عمرى ما ظلمتك


ماتش اعتزال غرام


وكم سؤال


مجهول الرد!!!


والنهايه


كلام بيصد


ظالمه انا


وقلبى اسود


لجل الوداع كان لازم ابكى


وانشر نعى فى كل حته


ولا اعمل يافته واكتب فيها


مشاعرى ماتت


ومقفول عليها فى اوضه ضلمه


نفس الكلام .. انتى ظالمه


اكونش قادرة؟


تصور انت


معرفش مين ظلم مين!!


معرفش مين هيفارق مين!!


عندكش رد؟


عرفاك عنيد


وردك باين من صمتك


تكشيرة حيرة وسلام للكل


مش راح اقولك بحبك واستنى


خليك براحتك


بس اعرف.....


عمرى ما ظلمتك


هناك تعليقان (2):

MaNoO يقول...

حلوة الفكرة انك تردى على حد كده والكمات بجد فوق الطبيعى الطريقة كمان كل مرة بتبقى احلى من اللى قبليها طريقة الحوار كمان شيقة جدا وتشد اللى بيقرأ وياسلام لو كانت اطول من كده كانت هتبقى احلى واحلى
دايما متميزة وبالتوفيق يارب

همسااات يقول...

ربنا يكرمك يا محمد
دايما رافع معنوياتى
مرسى جدا ليك يا عسل