الثلاثاء، 6 أكتوبر، 2009

ذنب مين؟؟



وسط الطريق ..
لمحت فى عيونك بريق
لمحت كلمه كات متغربه
لمحت فيهم كم سؤال
وشفت كلمه انتى مين؟
لساك بتسئل على السنين
على الكم يومين اللى ضاعو من عمرنا
شفتك انا عمال تدارى كلمه حبيبتى
عمال تاخر مليون سنه
كان ذنبى انا؟
يوم مالميت ذكرياتك
وهجرت بيهم ع البلد
قولتلى هى سنه
هتعدى وهكون هنا
لجل ما نقرب البعيد
لجل مانكون لبعضنا
ورضيت انا بغربتك
ووافقت اكون صورة فى شنطتك
وكم ذكرى فى جراب حضرتك
والوقتى اللوم عليا؟؟
بتسئلنى فين حبنا؟
فين اللى كان بينا هنا
بتسئلنى عن ضحكه عيونى
عن لهفتى؟ عن عشقى وجنونى؟
ومنين اجيب الجواب؟
دا الرد منك اليك
حقيقى مش وقت العتاب
عندى امل فى سنين عمرنا
ترجع اللى خده الحزن مننا
ترجع البسمه اللى هاجرت
والضحكه الى سافرت مع الزمن
وتعيد الحب لحضننا مولودنا اللى عاش عمرنا

ليست هناك تعليقات: