الثلاثاء، 27 أكتوبر، 2009

استنيتك... واتمنيتك
ورسمت امالى بحبك
ووعدتك
قلبى دايما حاضنك
عمرى كله ملكك
انت الجاى والمستقبل
انت اللى فات من عمرى بفرح
وقد حب العالم كله حبى ليك

...............

كنت حاسه انك بتبعد
كنت شايفه فى عينك غدر
قولت اصبر ..
ويوم ماسبتك..
قولتلى انتى مين بجد!!!!!!

.........................
عجبى عليك يا زمن وع الاحباب
اللوم علينا احنا.. والحب فيك عذاب

...............
قبلتنى صاحبه .. اتبسمت
رمشت بعينها وقالت شفتك انا
ضحكت ضحك .. اه يا زمن
دااحنا ياما اكلنا من نفس الطبق
ياما كان لبسنا بنلبسه سوا
وعجبى


..........................
بنيت قصور من الرمال
فيها انت الملك
وكتبت ياما كلام
كنت انت اوله ..
واخره حروف بتنده عليك
رحت فين وراح فين الهوى

..........................

ياقلب ابيض
وفيكى بدوب
بعشق بسمتك
وبدوب فى رقتك
انتى ملاك
ولا اميرة وجت غلط وسط البشر

ليست هناك تعليقات: