الخميس، 31 ديسمبر، 2009

هو لسه فى امل الدنيا تضحك للحزين
والسما تبرق من السعادة والخير يعم الارض من جديد
تفتكرو حظى ممكن يوم يتعدل؟
اقدر اشوف الفرح جويا يوماتى كانه عيد ويتمسح من سكتى للون الرمادى
والوشوش تبان بدون تزييف !!!
كان حلم اخضر شكله غدر البشر بهتو عليه بلون سوادهم
ملت التجاعيد عيونى الجميله بقيت اخف من كلمه مرسومه بحيله"ح..ب"
كان حب اغبر ملاه كدبه ومكره
انسان ضعيف شكاك اوى
خلانى اكره الهوى واسمع اغانى عن الجراح عن الدموع عن الجفا
كان نفسى اكبر كم سنه ...ولا امزع من نفسى رقة وطيبه الصبيه المغلوبه دايما على امرها
كان نفسى اعيش زيهم
كل شئ محسوب كل شئ متخطط
ميهمنيش ادوس على قلب مين...
ميهمش مين هيبكى وينكوى من الجراح
كرهت دور الضحيه كرهت طعم الدموع طعم الالم تفتكرو لسه فى امل
الدنيا تضحك للضعيف وتنصرة
الغش يتمحى من القلوب
ويبان الانسان ...طبيعى من غير رتوش تزيفه
يكون بلون الورد الابيض
تفتكرو
فى امل؟

هناك 3 تعليقات:

Ms Venus يقول...

احساس صعب

عبرتى عنه

بس صدقينى اكيد فى امل

لازم يكون فى امل


شوفى بكرة بعيون بتضحك

هتلاقيه يضحك لك


لعيونك احلى وردة يا اجمل شاعرة

وسنة سعيدة عليكى يارب

رقة الندى يقول...

سنه سعيدة عليكى انتى كمان ياحبيبتى
اكيد فى امل
اسفه انى نكدت عليكى
اختك كانت حزينه اوى وقتها
متحرمش من وجودك ورقتك ياقمرة:*

همس القلب يقول...

اكيد فى امل يا رقتى
طول مافى قلب ابيض
وفى عيون بريئة
بكرة هيبقى احسن
ان شاء الله