الأحد، 10 يناير، 2010



مش غريبه انك لسه فاكر ضحكتى!


لسه صورتى جوة منك متنستش!


مش غريبه لما قلبك ينسى اللى بينا وببساطه يرجع يعتذر!


تفتكر


هقدر ادوس على جرحى وارجع ابتسم


امد ايدى للى خان وقوله ايوة وحشتنى


تفتكر هيبقى فى امان؟؟


لسه قلبى فيه شويه كسور


شكل الدمع متنساش وياحرقة البكا


قلبى منك لساه مصتفاش


كان هيغفرلك زمان كلمه عشت بيها اجمل زمان


بس بخيانتك شوهتها ضيعت منها براءة عمر قلبك ماحسها


اسفه


على اللى كان وعلى اللى جاى


قلبك ليك بيعتزر


حل مكانك فيه خوف وجرح


و من اللى زيك قلبى لازم يتعظ

هناك تعليقان (2):

Ms Venus يقول...

تفتكر
هقدر ادوس على جرحى وارجع ابتسم
امد ايدى للى خان وقوله ايوة وحشتنى
تفتكر هيبقى فى امان؟؟



لا


مستحيل يبقى فى امان

والصورة لما بتتكسر

يبقى خلاص


جميل اوى يا نوجا

رقة الندى يقول...

الاجمل هو انتى يافينوس
متحرمش منك ياقمرة
ومن اشراقة وجودك حبيبتى