الاثنين، 19 أبريل، 2010

مبقاش باقى فى العمر فرح..كله جرح
كل الخطاوى اتحددت.. شوق ودمع
حلم كان بلون الورد ... اخدله وقت وانتهى
هم وبكى واه بتطلع من القلب بتعصرة...
بقيت اخاف من بكرة ... يفرق مابينى وبين حبايبى
فى غمضه عين كله بيختفى ومبيفضلش لقلبى غير ذكرى وجرح
مبقتش احس بفرحتى ولا حتى ضمه حضنه ليا .. مبقتش اشوفنى فى عنيه ..
حلوة .. وحشه كله واحد... مبقتش احس كلمه حبيبتى وكانه بيقولها مجامله مش شوق ولهفه وخوف وحب
يمكن ممرر عمرى حزن؟؟
يمكن بقيت اعز الحزن
واهو كله واحد
عمر واحد عشته غربة فى قلب نفسى وتوهة وحزن
ولمه صحابى وضحكتهم ...
كانت زمان ياما بتصبرنى على هم محتل نفسى
يمكن يكون العيب فى قلبى... قلبى الحزين طول الوقت

........

حروفى بتخذلنى

كان نفسى اكتب كل اللى فى قلبى
تعبانه اوى بجد
لكن دايما
الحمد لله رب العالمين

هناك 4 تعليقات:

Ms Venus يقول...

حبيبتى


مالك بس


ايه كل الحزن ده يا نوجا

وجعتى قلبى بكلامك اووى


سلامتك من الحزن والضيق والالم


طمنينى عليكى بجد

رقة الندى يقول...

الحمد لله يا فينوس
حاله كدا
ادعيلى بس تعدى على خير
يمكن الوحدة اللى حساها بس اللى ماثرة فيا اوى ووفاه خالى صحت فيا حاجات كتير
ربنا يرحمنا جميعا
متحرمش منك ومن سؤالك يافينوس
بجد ربنا يحفظك حبيبتى

Ms Venus يقول...

البقاء لله


ربنا يرحمه ياارب ويصبر قلبك حبيبتى

ويملى قلبك سلام وهدوء


ان شاء الله هتبقى كويسة وحالة وهتعدى بس انتى قولى ياارب


دمتى دايما بكل خير حبيبتى

رقة الندى يقول...

يارب
ربنا يخليكى يا حبيبتى
وبجد مرسى لزوقك ومتبعتك الجميله دى
متحرمش منك ابدا ياقمرة انتى