بتبكى عيونك صبر...من الوحدة بتعانى المر
عشقت صبيه .. جنيه.. حلتلك دنيا الحزن
رسمتلك فرحه بلون الحب..
غنيت وياها بمشاعرك... وكتبت اليها قصايد عشق
اميرة بتحرس احلامك وفى ليلك ضحكه جميله..
وعدت.. لازم هتصونها ... فى عيونك.. هتكون وهتحرسها
حلفت انها ...رفيقه عمرك الجاى
وبعدت شويه ..فانسيتها .. وانشغل احساسك بغيرها
نساى للوعد وللحب... بتفكر ليه تصالحها
سيبها لدموعها وجروحها.. اكيد مبسوطه انها فاقت ..من كدبك وياخداعك
و حروفك اللى ياما قريتها.. من قلبك كانت فكراها ..
واتارى الكدب راسمها ...بلون الاسود جواك
بتتلون كدا حسب الحاله و بتعرف تتحكم فى فريستك
انسان .. قولى انت ازى.. لو كل بنى ادم له نفس طباعك
كان عالم منهى من بدرى ... وبدموع العشق صباياه تموت..
أعذرنى
مجروحه حروفى مبقتش بتوصف احساسى...
مش عارفه اعبر عن مدى كدبك .
موهوم .. خليك كدا عايش .. صدق نفسك .. ان انت ملاك والناس ظلماك
واكيد قلبى اوى متاسف ...انه فى يوم سلم لهواك ...
لكنى لازم اتعلم .. الدنيا زى مافيها ملايكه... لازم يسكنها وحوش
هناك 3 تعليقات:
نوجتي الجميله
عايزه اقولك حاجه
مايجرب شعور المجروح الا لو جرب الجارح الشعور ده ,وصدقيني صعب جدا جرح قلوب العذاري النبي عليه الصلاه والسلام وصي الرجال بالنساء علي عدم قهرن
لان قهر الست عنيف جدااا
عايزه اقولك ع حاجه
اللي يبعيك بيعيه مهما كان
مهما كانت ذكرياتك معاه
كلو يغور
الناس بقت انانيه مع نفسها ومع غيرها اووي , مش عارفين اننا في دنيا غير دايمه
وان في حساب واخره والخ الخ
متزعليش نفسك ومتنزليش دمعه ع حد ميستاهل
وطمنيني عليكي ياووحشه وحشااااااااني اوووي
لكنى لازم اتعلم .. الدنيا زى مافيها ملايكه... لازم يسكنها وحوش
اكيد
ومش بنتعلم ببلاش بالعكس
اوقات بيكون الدرس قاسى ومؤلم
بس بنتعلم
بحبك يا احلى نوجا
ست الستات ياروح قلبى
اموووووووووواه
مبسوطه اننا اتكلمنا النهاردة ومتزعليش من تقصيرى معاكى
بحبك يا دودو
إرسال تعليق