الخميس، 8 يوليو 2010

انكسار

انكسار ساكن عيونى
واحتلال لقلب حالف يوم ما يهدا
جوة منه ثورة تقتل..
نار وقايدة ليل نهار
انكسار
صوت فى عز الصمت يدبح
والصدا فى قلبى اقوى من الانهيار
زى جبل قوى ... بتهدم فيه الرياح
انكسار
موت اكيد لمعنى عاش يحلى جوايا مرار
لما تضحك وانت قلبك اندفن مع هواك
واما تبكى ونفسك تفرح عمرك المظلوم وياك
انكسار
صوت رقيق وابتسامه حلوة تفرح ملامحك
نفسك فى كلمه تخرجك بره سجنك
نفسك فى لمسه تنسيك همومك الحزينه الساكنه وشك
انكسار
نبض حالم عاش يفكر امتى يفرح
وزى هتكون سعاته لما يلقاك فى حضنه
لما ياخده شوقك لجنه هواه
انكسار
عمرى وايامى وحلم بيبكى
نفسه يرجع كم سنه ويرفض وجودك
يلعن هزيمتك يفرح بغيبتك
انكسار
رافضه قلبى وانهزم كل مشاعرى
نفسى اكسر كل حاجز وامنعك من انك تكون جوة قلبى
لا بندم ولا ذكرى حلوة
رافضه كونك رافضه حتى غضبى
رافضه انطق حروف اسمك
وبعتزرلك عن سزاجتى
عن غبائى فى حبى ليك
انكسارى غصب عنى جزء كان من احتلالك المحتم
بس كونى رافضه حبك...انكسار مؤكد لقلبك
وانسحابى من حياتك دى البدايه للنهايه

هناك 6 تعليقات:

BNT ELISLAM يقول...

كتير جميل احساسك المرهف
بس ليه الحزن ده كله


مدوه جميله دمتى مبدعه
http://www.h-fawzy.blogspot.com/

ياره عبدالله يقول...

انكسار
موت اكيد لمعنى عاش يحلى جوايا مرار
لما تضحك وانت قلبك اندفن مع هواك
واما تبكى ونفسك تفرح عمرك المظلوم وياك
يااااة ماعنيها صعبة قوى واحساسها اصعب وحشتينى قوى يا نوجتى بجد ونفسى اتكلم معاكى

Ms Venus يقول...

نوجا حبيبتى

جميلة رغم انها حزينة اوى وقاسية


كونى دايما بخير حبيبتى ووحشتينى اوى

رقة الندى يقول...

تسلمى يابنت الاسلام اسعدنى وجودك
واسفه جدا على تاخيرى ف الرد

رقة الندى يقول...

يارا
والله انتى وحشانى اكتر
عارفه انى كنت مقصرة مع الكل الفترة اللى فاتت بس انتى عارفه الظروف
ان شاء الله نتكلم ياحبى

رقة الندى يقول...

والله يا ارق فينوس وحشانى اكتر ووحشتنى كلماتك الصادقه الجميله
يارب تكونى بخير ياقمر