الاثنين، 6 ديسمبر، 2010

انت شايف ان الدنيا فرصه...
وانا فرصتى وياك انتهت اما جاتلك انت الفرصه
تفتكر؟
لو رجعت لورا كم سنه ..كنت اخترت احبك واخليك فى عمرى احلا فرصه
دا انا كنت بهرب من حزن قلبى واقول هيبقى هو فرح عمرى
كنت فاكرة ان انت سندى
وان انا املك وفرحك ..
واتارينى طلعت غلطه..
و بحبى كنت بداوى جرحها
!!!يا ترى صح كلامك
وهى الدنيا فرصه ..اما تلاقى حبيب بينده بشوق
مش مهم ترسم الفرح فى ملامحه.. المهم يداوى جرحك
واما تطفى نار قلبك
تجرى وتسيبه بجرحه
بلعن الفرص اللى بتقتل الحياه فى القلب بطعنه
وبشكرك على انى لسه عايشه ..
بس عارفه ان الدنيا عمرها ابدا ماكانت فرصه.

ليست هناك تعليقات: