الجمعة، 21 يناير، 2011

فعلا رجعت
وبعد ايه..
بتبتسم وتمد ايدك..
محستش ليه بللى قلبك عمله فيا
دا مكنش جرحك جرح عادى ..
موت فيا اجمل امانى..
ومسحت من عمرى الامان
خليتنى اشك ان الحنان فى الدنيا دى ..تمثليه
وانت البطل فى قصة هوايا..
جاى تعتزر دلوقتى ليه
دارت بيك الدنيا تانى وعايز تحس بالحنان
مقدرش ارجع للى زيك مقدرش تانى ع الخيانه
داانا قلبى لسه فى حبه ليك مكسور اوى ندمان حزين
خليك بعيد..
سلامى ليك دا شفقه منى او تقدر تقول
رغم القسيه ورغم اللى كان مقدرش اقابلك غير ببتسامه
وحب مالى العيون
لكن حقيقى ... مقدرش ارجع لواحد انانى كداب ضعيف
............
حساك بتكدب زى العادى
مخبى ايه
وليه بتحلف انى الوحيدة اللى فى حياتك
بتدارى ايه
عينيك خانوك واعترفولى
عايز منى ايه؟
مبقتش اصدق كلامك ولو حتى ايه
عرفت غيرى..حبيت عليا ..راجعلى ليه
انسا اللى بينا وبطل تدارى فى كدبك وغشك
انا ببساطه زهقت منك .. وانتهى كل اللى بينا
...............
هو
دائما برئ
ملاك
مثقف
جذاب
هو دائما مغامر
يغار
يحب
يكتبك ديوان شعر
هو دائما
خائن
كاذب
هو دائما رجل...

................
عايزة اقولك شئ وحيد
نفسى اصرحلك بيه من زمان
كنت خايفه اما أقابلك معرفكش
او فى قربك قلبى الحزين ميحسكش
بس عارف
انت برضو بحنانك وبكلامك
نستنى اقولك يومها اللى كنت بداريه
نستنى الومك ع سنين البعد والعذاب
كنت حالفه اما اشوفك أردلك كل الالام
وامشى .. وابعد
واسيب عيونك تدوق فى هجرى طعم الدموع
اما تطلع وكأن قلبك اللى بيبكى مش عنيك
نار وحرقه ياحبيبى سبتهملى زمان
بس خوف راح وسابنى ااول ما ايدك اتمدتلى بالسلام
حضنت شوقى ببتسامتك طمنتنى اما نادتنى ب حبيبتى
وحلفتلى تعوضلى عمرى اللى فات... فرح وحنان
بصلى انا قلبى طاير م السعادة..قرب كمان
فرحنى اكتر المس فى حبى دفئه اللى شايلك
شمسه وقمرة
وعايشك حقيقى يا كل الحياة. ..

............

ليست هناك تعليقات: