السبت، 26 فبراير، 2011

كان مين قالك ان دموعى دى علشانك!!
واهم نفسك
ان الحزن بقى عنوانى
وانى بجرحك.. لسه بعانى
وانى فى بعدك ضايعة اكيد
شاغل بالك ليه..
جاى دلوقت تبص وراك
تسئل عنى وعن احزانى
قلبك حن؟ بعد ماغيرى جرح فيك
بعد مادقت طعم الغدر وازى حبك حلوة.. يقلب مر
جاى علشانى؟؟
جاى تبص بشوق فى عيونى
تقول وحشونى!!!
مادد ايدك تمسح دمعى,,,
وتقول سامحينى
غصب عنى ضحكت
اصلك فاكر...انى فى بعدك ضعت
انا من بعد خيانتك فقت
كدبك علم قلبى يحس الصدق
فجاءة كرهت كل غبائى فى عشق هواك
ولنفسى حلفت..انك مت
ولما بعدت وعيشت لغيرى
كان نسيانك أمر نهائى
منا بكرامتى بعيش زى الكل.

ليست هناك تعليقات: