مختلفناش
لسه الحنين موجود وجوانا الحب عاش
العيون ودعت بعضها والشفايف قالت سلام
والقلب ثورتةمن بعدها قامت تصرخ ... حرام
ليه كل حاجه نحبها بأدينا يجى يوم ونهدها
فين الكلام فين الاماكن اللى شهدت ع الغرام
فين الوعود وصدقها؟؟ اتبخرت ويااحلامنا زمان..
وليه عايزنى انا اللى اتمسك بحبك
مش حرام؟؟
لسه طمعان فى العمر اللى باقى منى
عايز حنان ..عايز امان لسه بتدور ع الدفا فى حضنى
وانت سايبنى؟؟؟؟
اول ما حبيتك مكنتش انانى ..كنت شارى
كنت قدام الكون بحاله بتقول بحبك..وتوصف فى حبى جنتك
كنت بتبنى .. وتقرب مابينا بدل الخطاوى طرق
كنت حاببنى؟؟
وفجاءة اختفى حبك وشوقك وظهر الجنون
انسان غريب بيحب نفسه ..وكل همه نفسه فا نفسه
مختلفناش
انا هلملم اللى باقى من هوايا وحبى ليك
وافضل افكر نفسى بالقسية وظلمك لقلبى سنين
واقنع فى نفسى ان اللى حبيته مات اكيد
وبطل تقول الزمن والدنيا صعبة
عارف اللى اصعب من دا ايه ...
ضعفك واستسلامك.. وحبك لذاتك
محبتنيش...ومختلفناش
ورغم الحنين ورغم احساسى الفظيع بحبك
مختلفناش لما الايدين سلمت اخر سلام
واخر كلام انا مش رح ارجع ليك
خليك لنفسك هى أبقى هى اقرب منى ليك.