الجمعة، 13 يناير، 2012

تمانية وعشرين.. بس جوايا طفلة صغيرة... لسه بكون.. لسه بعرف مين انا
بعشق جنونى وطيبتى ..حتى لو مش عاجبة نفسى ..
وبحب اسمع للغنا واسرح بعيد ..عند فارس الهنا.. اللى الخطاوى مأخرااه
وبفرح اكيد لما ارسم لوحة حلوة ولا اكتب كلمتين يعجبونى ويدخلو قلب للى يقراهم اوى
بحب كل الناس بطيبة.. وعمرى ابدا ماافترض كدبهم .. بنخدع وبنظلم وانصدم .. ماهولازم عشان فى ناس عكسهم بيفرحونى ويحسسونى ان لسه الدنيا فعلا طيبة
وبموت بجد فى صحابى الـحنينين اللى لا يمكن الاقى زيهم فى صدقهم مراية حلوة تفضل معايا طول السنين واحلا ضحكة وسرى الدفين
وحبيب مش هقدر بجد اوصفه.. لا بكلمة واحدة ولا حتى ميت كتاب هيوصفه..
تمانية وعشرين سنة مش حابة فيهم افتكر غير انى والحمد لله لسه حابة انى طفلة صغيرة
مش حاملة هم السنين ولا خايفة موت من الالم .. طالما ويايا ربنا وناس كتير حابين وجودى وسطهم.

ليست هناك تعليقات: