متشتته

متشتته

حاضنه قلبى فى ضلمته
ماسكه اوى ومتبته
خايفه ابص تحت منى
الاقى نفسى رحت منى
شايفه ف عينى اسئله
ودموع زليله للاجوبه
متفتته احلام صبايا
دايبه غايبه فى الخطايا
جرح عايش مستنى الدوا
متشتته

زى موج البحر

وسحابه تايها فى حضن السما

متشتته

وكل المعانى جوايا فى حاله ضياع
عايشه فى حلم الوهم
وكل حاجه اتقفلت
واتكركبت فوق الزمن
عقد كتير ومفيش سبيل لحلها
متشتته ونفسى الاقى اجوبه
كلمه بحبك مش صحيحه
ولا فيش دليل لصدقها
عايزة افتح عينى من ضلمتى
الاقى طريق موصوف ..انسا الخوف
ارمى همومى واطير لجنونى
عايزة اجابه...
ادوس على قلبى اعيش مرتاحه!!!
ولا الراحه فى نبض القلب؟