يا وخدانى لطريق مجهول
استنى شويه وارسى بى على شط النور
من موجه لموجه سرقانى
ورسمالى امل من نور
والمطرة بتنزل على عينى
تعمينى
واسمع ميت صوت
والاه بتصرخ جوايا
واتمنى الموت
وتهل الشمس بدفاها
وتهدى الكون
ياسبع الوان استنونى
هكون وهكون
وهزين الدنيا وياكم
وهضيف ميت لون
يا مركب حزن فرقينى
راح ارفق الطير
وهشوف البسمه
فى عيونى وعيون الغير
يا نجوم السما اوعدينى
تفرحينى
وتعيشينى احلا سنين
ليست هناك تعليقات:
إرسال تعليق