عارف
لما تغمض عينك
وانت حزين اوى من جوة
لما الاه بتعصر قلبك
تبكى ملامحك
يصرخ صمتك
عايز اعيش
............
عارف
لما بكون مشتاقه اليك
واجرى عليك
ألقى وداعك جوة عنيك
يرجع شوقى مكسور وبيبكى
عارف
لما بشوفك تضحك
عمرى بيضحك
وكل الدنيا تحسدنى عليك
عارف
لما بشوفنى جوة قصايدك
ببقا جميله فوق العادة
بفرح فرح يملا الدنيا
ويفضل قلبى يقرا كلامك
عارف برضو
لما بقابلك وتجرى عيونى تحضن قلبك
وانت ساعتها تقولى بحبك
بنسى الناس والقى اديا بتلمس ايدك
وبصوت عالى بقولها
بحبك
وكمان عارف
ان انت حياتى بكل مافيها
فرحى وحزنى ويا سعادتى
وكمان غضبى وغيرتى
وانت الشوق اللى بيقتلنى
وانت الغنوة اللى بغنيها
وانت البسمه ملازمه شفايفى
وانت... الجنه اللى بعيش فيها
ليست هناك تعليقات:
إرسال تعليق