الاثنين، 24 نوفمبر، 2008

مش عارفه

بتخيلك اوقات
مرة تكون رقيق اوى وجميل اوى ومرة تكون حد معرفوش حد ميحبش الا نفسه والغرور ماليه
بزعل من نفسى
هو المفروض عشان بحبك اشوفك طول الوقت ملاك ؟
كتير بيفكرونى شخصيه جامدة وكتير بيفكرونى طيبه بهبل والاكتر بيقولو بتستعبط
محدش عارف يفهمنى حتى حبيبى
كتير بحسه زى اى حد فيهم
وانى كمان بقيت غريبه عنه
اوقات بتعجبنى حيرة الناس فيا بس بجد بزعل
انا كتاب مفتوح للكل
ان فرحت بيبان فى ردوددى وكلامى وان زعلت بيبان جدا
بحب اتكلم
واللى فى قلبى على لسانى دايما
كل اللى اعرفهم حاليا مشفتهمش ومفيش تعامل مباشر
لكن ببقا قدمهم بطبيعتى مفيش تجمل ومفيش تغير فى الحقيقه
بس احيانا بحسنى كدابه
مع انى مش بكدب بس معرفش بحس كدا ليه
غريبه انا
كتير ببقا تايه ومحتارة فى نفسى
بقيت حزينه عن الاول جدا
كنت الاول ولا اى حاجه تاثر بزعل شويه وثوانى تلقينى نسيت
دلوقت بقا كله فى بعضه زى خلطبيطه كدا فى المشاعر
بس انا عارفه ان كلمه ممكن تطلعنى للسما وكلمه تنزلنى لسابع ارض
حد بعرفه جدا بححبه جدا واحشنى جدا واول ما اكلمه بروح احكيله على كل حاجه
قريبه بعيدة ادق التفاصيل ممكن احكيله على اللى مقدرش اقوله لاختى او صديقتى الانتيم معرفش ليه
هو الحد الوحيد اللى خلال عمرى كله وثقت فيه كدا
بحبه جدا بجد وبزعل اوى لما بيزعل او يغيب عنى فترة من غير ما يسئل عنى
معرفش ايه فكرنى دلوقت
بس هو كدا دايما فى كل تفكيرى
هو مش حبيبى يعنى حبيبى بقا وحب وكدا
لا دا صديقى اخويا ابويا حاجه بجد قريبه من القلب كدا
حد بيفهمنى ويحسنى زى نفسى
ربنا يوفقك ياغالى
اما حبيبى
حد كدا غريب شخصيه غامضه
مع انه طيب جدا ورقيق جدا لكن فيه حاجه غامضه
بيحبنى مش عارفه بس بيقول بيحبنى لكن دايما مش بببقا مصدقه
مع انى واثقه انه بيحبنى
عارفه انى مشتته والعيب ف تفكيرى مش فيه هو
انا عايزة حاجه تغيررررنى معرفش ايه هى
عايزة حاجه تقولى انتى عايشه
مستنيه حلم محلمتوش يتحقق
مستنيه قفزة تطلعنى لقدام او ترجعنى ورا خمس سنين بالظبط ههه بخرف انا
انا فى النهايه
مش عارفه انا عايزة ايه

ليست هناك تعليقات: