الثلاثاء، 25 نوفمبر، 2008

صف اول

حاجزة الم
صف اول هم وندم
وعمر عدى
باقى اثرة فى الملامح
تجاعيد كتير
راسمه كلمه
تعبت انا
والعيون الدبلنين
لون سوادهم لون السنين
شقى وعيا
وسهر السنين ع الكام ولد
مدفونه ذكرى الفرح تحت التراب
مع اب زوج راح وغاب
تعب القلب من البكى ومن الانين
والغلب مكتوب على الجبين
لكن الامل قدمها فاتح الف باب
يطرح زمنها حلم جديد
يشكر تعبها
ويرد روحها المتغربه فى هجر الولد
ويضخ تانى دمها فى شراينها المتقفله
سكه سفر وطريق جديد
حاجزة فيه صف اول
يكون معها احسن
م اللى فات
والسكات ع النصيب
قضاء وقدر
داعيه دايما ربنا
يجعل طريقها كله اخضر
ويرد روحها المتغربه فى حضن الزمن

هناك تعليقان (2):

MaNoO يقول...

أجمل حاجة انها من القلب بجد كلام مؤثر جدا جدا وحلوة اسلوبك وكلماتك اللى اخترتيها كلماتك اللى فعلا مكنش ينفع غيرها فى الموقف ده وصفك لقصة حياة كاملة فى الكلمات البسيطة دليل على قدرتك الرائعة على الكتابة واكتر حاجة عجبتنى الأمل اللى نهاية الموضوع بصرف النظر عن اى حزن فى الدنيا بس اما ييجى بعده أمل تحسى بتفاؤل كده فى الحياة أبدعتى نجلا كالعادة تحياتى

همسااات يقول...

مانو يا رافع معنوياتى ومشجعى الوحيد هههههههههههه
تسلم بجد يا عسل وسعيدة جداااااااا انها عجبتك
تسلملى يارب