السبت، 1 نوفمبر 2008

موال حزين



على نياتى والحظ وافر
والمستخبى فى قلبى كافى
بحب ابوح بكلام يبكى
ومين بيبكى الا قلبى
موال حزين وبحب اغنى
يمكن يتحس همى
همسلى مرة شيخ عجوز
قلى بصى خلى بالك
شايف طالعك فى العالى
متفرحيش مكتوب قبالى
ان موتك راح يكون من حد غالى
وان قلبك راح يصارع الحياه
كونى معاه
وضحكت تانى وايه الجديد
من موت قريب لموت بعيد
سلم ياقلبى للجديد
وعشقت تانى وعشت تانى
وكل مرة اقول نهايه
وهتكون بدايه للحياه
وارجع مفيش
موال حزين مبينتهيش

هناك 4 تعليقات:

ست الستــــــات يقول...

الله عليكي ياارق شاعره

ايه الكلام الجامد ده

الظاهر جو الحته هنا عمل شغلو تمام

التمام

رقة الندى يقول...

شاعرة مرة واحدة ههههههههه
ربنا يكرمك يا هايودتى
ودايما منورة الدنيا ياقلبى

غير معرف يقول...

متفرحيش مكتوب قبالى
ان موتك راح يكون من حد غالى
وان قلبك راح يصارع الحياه
كونى معاه

من اجمل ما كتبتي يا رقة
انا مبسووووطة اوي
اني بشوف حاجات اول مرة اشوفها ليكي
وعجبتنيييي جداااااااا
وحسيتها كأني نفسي اكتب نفس الاحساس
بس معرفتش اخرجه زيك كدااااا
بجد ربنا يوفقك ويكرمك يارب
ومن ابداع لابداع جديد
تحيااااتي
مروة

رقة الندى يقول...

مررررررروة

اقولك ايه اصلا بعد وجودك الجميل اولا

وكلامك اللى كله زوق وتواضع منك

الابداع دايما فى قلمك يا مروة

بجد ربنا يكرمك يا حبيبتى

ومتتخيليش سعيدة ازى بمتابعتك الجميله دى