عاشق بيندة
بيقولى قومى
اغسلى وشك بحبى
وامسحى همك فى توبى
اكسرى صور السكات
اليل قريب ....
والارض شوقها بيرتوى ويا حنينك
غنوتك ، كلمتك.. لسه صداها فى شراينى
رسمتك لشكل بكرة
حافظها لسه فى خيالى ....
بسمتك فى عز ضعفك
قهرتك على حضن ضايع ... مش شاريكى
بتبكى دموعى لبكاكى
خايف عليكى ....
وشوقى ليكى منسى قلبى .. حبك لغيرى
واملى فيكى ... تنسى يوم وتعشيلى
واهب نبض قلبى كله ليكى
تفرحى ... تفرح سنينى
وامنياتى
تعشقينى و تكونيلى ...
ودعوتى من قلبى ليكى بنور صباحك ...
ربى يهدى قلبك اللى تايه
وتفتحى فى يوم عنيكى على عشقى ليكى
وتعشينى وتعشقينى .. وتنسينى همى ومرار سنينى
ليست هناك تعليقات:
إرسال تعليق