الثلاثاء، 11 أغسطس 2009

رمضان كريم


من كم سنه فاتوو
فى امتحان الرسم بالتحديد،،
كان مطلوب منى ارسم رمضان واحتفاله وبعده العيد
مسكت اقلامى ورسمت فانوس كبير وجمبه جامع جميل
وهدوم ولبس كتير واطفال تشبه فرحه العيد
وكتبت يومها كلمتين وحوى يا وحوى ياشهر الخير
جه استاذى كدا واتبسم دا امتحان رسم يا حلوة مش حصه املا
ضحكت وقولت رمضان كريم ودا شهر الخير
وان شاء الله رسمى مقبول وهاخد فيه 10/10 علطول
بحبك اوى يا شهر الخير وبتمنى ترجع تانى اول ماتخلص علطول
بحب فيك اللمه والكلمه الحلوة والبسمه فى عز الدمعه
بحب فيك دعاء امى وصلاة اخويا وقرءة اختى لكتاب الله
بحب فيك خيرك وبركه ايامك
وفى انتظارك وكلى شوق
يا شهر البر والبركه والخير والحب


"رمضان كريم"

ليست هناك تعليقات: