الأحد، 14 فبراير 2010


لساك بتسئل نفس السؤال اياه؟
يمكن متعرفش حبى ليك ايه مداه
يمكن تكون معدتش النجوم
ومسهرتش تحكى للقمر قصه هواك
يمكن محستش بريحه النسيم لما يهدى ويرمى السلام
او حتى مسمعتش طير المسا
لما همسلك بأحلا الكلام
جايز أكيد
مغرقتش فى ضمه عنيا وشوقها ليك
يمكن تكون شمس الصباح نسيت تقولك ع الحنين
يمكن محستش الحنان من ناحيتى
او فات عليك وكنت سارح ف السفر وفى الحياه
يمكن تكون الدنيا دى مخلوقه ليك
بس عشان أكون معاك
نفرح سوا وتحسنى فى كل شئ
حتى الهوا اللى بتتنفسه
يصبح غرام
تصحى تقوم
على حب عاشقه
متيمه بيك

هناك تعليق واحد:

Ms Venus يقول...

حتى الهوا اللى بتتنفسه
يصبح غرام
تصحى تقوم
على حب عاشقه
متيمه بيك



الله عليكى يا نوجا


بجد رائعة