لو تفتكر... قد ايه قلبك قسى ... وقد ايه قلبى سامحك.. و نسى
كنت جيت وجريت عليا .. صالحتينى..
كنت حاولت تنسى قلبى قساك عليا... لو تفتكر
كنت عمرى بكل فرحه... نسمه الهوا الشقيه ..
كنت حلم .. حلفت اعيشه ... وفوقت منه ع جرح طعنك
مر حلمى بشوقى ليك .. كل ماافتكر خيانتك .. نار قلبى تزيد شويه
لو تفتكر .. حلفت ياما انى تاجك انى بسمه الدنيا فى عيونك..
حلفت انى دارك ..وانى وردة شبابك ... وعدتنى وخلفت وعدك
بعتنى وطلعت خاين.. جاى ليه دلوقتى تانى..روحلها وسلم اليها .. بكرة تبكى م الخيانه
ماهو شئ اكيد هتحس بيها .. لما تترد ليك...
لكن ساعتها عمرى ماارجع.. لكداب انانى ..
لو تفتكر من كم سنه .. عاهدتنى .. انى وانت هنبقى واحد شئ لا يمكن يفترق
تعال بص للحكايه... شوف خيوطها للنهايه ... فى وسط الطريق قطعتها... وبعتنى
ماتفتكرش دموعى ضعف.. انا قلبى قواه الزمن... صعبان عليا بس افتكر .. انى يوم سلمت ليك
ما كنت فكراك الهوا اللى بتنفسه .. شمس عمرى اللى مدفيانى ... طلعت وهم اخره ضلمه
قشه هزاها الرياح .. طير غريب تايه فى وطنه... ساب السما ونزل يطير تحت التراب
هناك 8 تعليقات:
مساء الخير ...
مبدئيا يا قمر اللى كتير بيوعد ويحلف ويقول نادرا ما يفعل شىء
من الغرور ان حد يوعدك بالسما والارض والليل والنهار
ومن الغباء اننا نصدقة
بوست رقيق وبسيط
تحياتى
وعلى فكرة مش هتكون اخر زيارة ان شاء الرحمن
لأن أناملك يخربش بين يدي الشعراء وهي أنامل شاعرة
وددت أن أسجل مروري الاول ليتك تقبليه
السلام عليكم ورحمة الله
جميلة يا نوجا
بس على رأى ما قالولنا زمان
اللى باعك بيعه
صحيح صعب اوى واحساس مؤلم
بس لازم
وردة لعيونك حبيبتى
صباحك ومساكى ورد يا سهر
منورة مدونتى البسيطه يا سكرة
ويسعدنى وجودك الجميل ومتابعتك
وردة لعيونك حبيبتى
استاذ احمد
وعليكم السلام ورحمه الله وبركاته
المدونه كانت هديه من صديقه هى شايفانى مشروع شاعرة
بس انا شايفه نفسى مجرد قلم بيعبر عن نفسه
متعمقتش اوى او حاولت انى اكتب اللى يستحق ابقى شاعرة
رغايه انا استحملنى
بجد مبسوطه بوجودك الجميل مرسى جدا يافندم
انتى عارفه يا فينوس
كلمه صعب دى بسيطه متوصفش حاجه
بحبك فى الله يا سكرة
:)
عاوزين بوستات فرح بقي يانؤنؤ
مش كله حزن كده
:)
ربنا يسعدك قلبك وايون شيفاكي مشروع
شاعره اومال شيفاكي ايه
مشروع قلم مثلا
يابنتي لما كلام زي ده يخرج من بق
واحده ده كلام كبير جدااا
ربنا يحفظك ياارب :)
ويحفظك يا هايودتى ياقمر
متحرمش منك ابدا
بووووووووووووووووسه ياحبى
إرسال تعليق