مبقتش نفسى ولا عايزة اكون

حبك درب من الجنون

خيوط ضعيفه.. اتقطعت

مبقاش منها الا الفتات

والذكريات

كان ماضى مات..

دبلت فيه ورود الغرام..

حتى الندى مبقاش يفرح القلوب

دى دموع حزينه كونها الجراح

حبك دا كان امل بيملا حياتى نور

ياحروف غريبه اتجمعت وحلفت تكسر قلبى بكل قوة

مهزومه ديا مقومتى .. مات الامل فى انى ارجع تانى ليك

معرفش ليه وعملت ايه ..عشان اكون انا الضحيه فى مسرحيه مفروض تفرح الجميع

دوست اوى على جرحى.. كنت حابب انك تزيد... مصدومه فيك

ورغم كل شئ ..

لسانى ببكى على اللى كان... لسه بقاوم حبى ليك

نفسى الستار ينزل قوام... والمسرحيه تنتهى