يالياليا متوعدنيش .. ومتوفيش
متفرحنيش تانى باوهام..
دانا ياما معاكى استنيت.. واتمنيت
اصحى معاكى على الافراح
ينور نجمى وميطفيش..
تفضل شمس الدنيا معايا سعيدة
يبطل ظل الحزن يرافق عمرى
تبعد عنى ظنون الهجر
افتح عينى على انى اميرة
مالكه زمام الحب فى قلب حبيبى
منيش معدودة فى جوارى خواطرة
ولا بيت ناقص من اشعاره
يالياليا متوعدنيش.. ومتوفيش
قلبى الطيب اصبح نادم على احساسه بانه ضعيف
قدام حبه لكل حبايبه وغدر الدنيا الملازم ليه.