اخر الكلام..

لجل ما تعيش يا حبيبى سعيد..هبعد بعيد وهعيش فى غربه..

وابطل اقرء كف يدى وحلمى انك يوم هترجع.. وارضى خلاص بالمقسوم وبعدك

ولجل برضو ماتبقى راضى همنع عيونى تبحر لعندك..

واكسر خلاص بخاطرى

قلبى استنا ياما تنطق بحكمك

واهى كلمه اهى قولتها .. وانتهت

يبقى ليه بتقول حزينه..تفرق معاك؟

اصلى شايفه فى عيونك سؤال اجابته عندك

انت واثق ان حبك شئ لا يمكن يرحل برة قلبى

واستسلمى دا لأرادتك .. انت عايز تبنى بينا الف صور

تنهى قصتنا الجميله ..بس خايف ..لساك متردد

قوى قلبك وانسى اى شئ مابينا..انت خدت خلاص قرارك

يبقى متفكرش حالى ازى فى بعدك ولا لسه عايشه ع الذكرى
الجميله ولا قلبى حب بعدك
مش هجاوبك
بس
واخدة فاصل م البكى والحزن ..اصله خلاص تعبلى قلبى
حاسه ببرود تجاهك
احبك.. ولا اقول خاين وباع
حسيت انت ليه بالضياع ..هو بكرة اصلا دا ملكك
ليه فاكر انى لما ياخدك طريقك بعيد ..عنك انا هبعد
وانى ممكن ابيعك ومستناش لحظه ترجع
انا قولتلك انا واقفه جمبك
وان لو بعدت عنى بجد روحى بتبقى عندك
يمكن مش شايفنى او مشغول لساك بنفسك
بس نفسى تعرف شئ اخير
انى كنت مستعدة معاك وعشانك كتير اضحى
بس انت بعت وقسيت عليا
ومش بخاطرى انى انسا ولا اكره حبى فيك
داانت برضو يا غالى حبيب قلبى وعنيا