الأحد، 8 يناير، 2012

فاكرة اوى لمتنا،،
ابويا وامى وخالى وخالتى وصوتنا العالى وضحكتنا
وحكاوى ستى عن العفاريت وامنا الغولة والنداهة..
وفاكرة كمان ،،ايام خروجنا وفسحتنا وشم النسيم وجماله...
وسيرة قرايبنا واخبارهم وكل شئ عن اسرارهم وولاد عمى بجنانهم
وخروجة الغيط .. والمياة الساقعة من الاولة وجمال الزير
وفاكرة كمان مقالب صحابى وتخويفهم ليا ايام الشتا وفى الضلمة
كت احلا ليالى قضيتها وياهم ..فى اللمة
والوقت ... والوقت دا ايه؟؟!!!
الوقت ابويا وذكراه وستى وايامها الماضية ربى يرحمنا ويرحمهم
والفرقة فى وسط اللمة بقى شئ مش صعب وأتقبلناه
اهى دنيا ولاهية الكل... ومش فاضل غير بس الضحكة اللى بنضحكها م القلب على موقف مر وعيشناه.

هناك تعليقان (2):

ياره عبدالله يقول...

الماضى بيفضل محفور جوانا
بفرحه وبالامه
ربنا يبسطك دايما يا قلبى
ويمحو اى ذكرى مئلمه مرتى بيها
ومتفتكريش غير الذكريات الجميله
مووووووووووووووووووة

رقة الندى يقول...

حبيتى انتى يا يويا
ربنا مايحرمنى منك ابدا ياقمرى
مووووووووووووووووووواه