هتكتبنى فى ذكراك صورة
وتوصفنى بأجمل شكل
وهتحكى لحبايبك عنى ..
هتقول كلام يفوق العقل
وهتحلف بانك عمرك ماهتنسانى
ومهما يمر الوقت هكون وياك
وهتفضل تفكر قلبك بضحكى وكلامى معاك
واماكن كتير عرفتنا ...وليالى فيها سهرنا
هتشوفنى فى ليلك بدر وفى نهارك هكون الشمس
وعشان بتحب البحر هتشوفنى فى نسايمة وموجـة
وهتردد وعودك ليا .. هتقولى ياريتنى ماسبتك
انا قلبى فى بعدك مات،،،
وهاتجى وتسئل عنى .. هيقولو دى كت موجودة ..
وذكراها فى قلب الكل..
وفراقها دا شئ صعب
وهتبكى وهتبكى علينا الدنيا..اتنين حبو وافترقو اوى عن بعض
واحد حاول ينسى والتانى مات من الحزن.