ومهما تقول ...

مبقاش شئ يتحس

وفر كلامك..

وخد وعودك وارجع لقلبك

مبقتش انا نفس الحد

ولا هى دى نفس الدموع اللى اتبكت يوم فراقك

جمدت خلاص مشاعرى تجاهك

و الحلم اللى كان بينا اتهد

والخطوة فى طريقى ليك... يقابلها مليون سد

ورعشه اديك طمنها بسلامى لعنيك

وعندى كم كلمه عايزة اوصلهم ليك

الحب مش غنوة تغنيها ولا لعبه فى اديك

وهقولك زى انت زمان ماقولت...

"صحاب احباب ومفيش بينا عتاب"

عيش اعادة المشهد ودوق المر

دى نظرة عيونى ليك مهياش حب ..

دى رحمه منى اليك.... فى جنازة قلب