السبت، 9 يناير 2010


فى شئ كاسرنى
وعنك باعدنى
يمكن غرورك !!
وضعفى فى وجودك
يمكن حزينه!!!
وبقاسى فى بعادك
فاكر خيانتك ..
هجرك وظلمك
قسوة مشاعرك ..
فاكر غبائى برد فعلى
سامحتك بطيبه
وغصب عنى
ماهو قلبى عاشقك
ونبضه منك
فى شئ كاسرنى
يمكن برودك ...وهجرك لحبى
وجايز هروبى من ضعف شخصى
فى شئ كاسرنى
عشان بحبك ...
ضحيت بروحى
وبكل حاجه
وانت بغرورك وحب نفسك
ضيعت حبى
ضيعت حلمى بفرحى جمبك
وجاى تلومنى وانت كاسرنى..
بكره دموعى وبلوم عنيا
لحظه مابضعف واشتاق اليك
نفسى تخاصمنى... ذكرياتى
وتتمحى لحظات فرحنا
وافتكر
انك دابحنى
وانى لازم بجد انسى
فى شئ كاسرنى

ومن المؤكد انه انت

هناك تعليقان (2):

Ms Venus يقول...

بكره دموعى وبلوم عنيا
لحظه مابضعف واشتاق اليك
نفسى تخاصمنى... ذكرياتى
وتتمحى لحظات فرحنا
وافتكر
انك دابحنى
وانى لازم بجد انسى
فى شئ كاسرنى
ومن المؤكد انه انت





مش هقول غير كلمة واحدة

الله عليكى يا اجمل شاعرة

رقة الندى يقول...

هههههههههه
يابنتى شاعرة دى كتير عليا
على قدى انا يا فينوس
متحرمش من وجودك ورقتك ياقمرة انتى