الاثنين، 29 مارس، 2010

افراح القلب يا معدودة
جوانا احزان ممدودة
على طول العمربتاخدناالدنيابشقاوتها
تلففنا وتوهة فرحتنا
لا حبيب بينصف وحدتنا
ولا صاحب ياخد بادينا
مرهون الحلم بنجاحنا
دايرين بنعافر يتحقق
ومراسينا بعيدة اوى علينا
مرسومه ب الملى سكتنا
والفرح فيها...خارج الرسمه
الاخضر ..دا يقول ان انا عايشه
ولاحمر.. طمعانه اوى فى فرحه
ولاسود.. دا بقيت اللوحه
مجروحه الاه فى قلوبنا
حتى التغير فى نفوسنا..
بقى صعب ... قليل يتحقق
الطبع اتطبع جوانا ..
وبقينا وشوش حزنانه
واخيرنا..دعوة و الحمد لله
لسانا عايشين جوانا
لا خرجنا وطيرنا برانا
ولا قولنا خلاص جبنا اخرنا
اجمل مافينا .. اتعودنا
على اللون الاسمر ال محددنا
واهى بكرة تزهزه بلابيض
اهو برضو امل بيجددنا
افراح العمر يا معدودة...
بنحبك برضو ولو ذكرى.

هناك 3 تعليقات:

Ms Venus يقول...

جميلة اوى اوى اوى يا نوجا


بجد جميلة اوى

تسلم ايديكى


وردة لعيونك حبيبتى

رقة الندى يقول...

وورد الدنيا كله ليكى يا فينوس
منورانى دايما حبيبتى

رقة الندى يقول...

وورد الدنيا كله ليكى يا فينوس
منورانى دايما حبيبتى