افراح القلب يا معدودة
جوانا احزان ممدودة
على طول العمربتاخدناالدنيابشقاوتها
تلففنا وتوهة فرحتنا
لا حبيب بينصف وحدتنا
ولا صاحب ياخد بادينا
مرهون الحلم بنجاحنا
دايرين بنعافر يتحقق
ومراسينا بعيدة اوى علينا
مرسومه ب الملى سكتنا
والفرح فيها...خارج الرسمه
الاخضر ..دا يقول ان انا عايشه
ولاحمر.. طمعانه اوى فى فرحه
ولاسود.. دا بقيت اللوحه
مجروحه الاه فى قلوبنا
حتى التغير فى نفوسنا..
بقى صعب ... قليل يتحقق
الطبع اتطبع جوانا ..
وبقينا وشوش حزنانه
واخيرنا..دعوة و الحمد لله
لسانا عايشين جوانا
لا خرجنا وطيرنا برانا
ولا قولنا خلاص جبنا اخرنا
اجمل مافينا .. اتعودنا
على اللون الاسمر ال محددنا
واهى بكرة تزهزه بلابيض
اهو برضو امل بيجددنا
افراح العمر يا معدودة...
بنحبك برضو ولو ذكرى.
هناك 3 تعليقات:
جميلة اوى اوى اوى يا نوجا
بجد جميلة اوى
تسلم ايديكى
وردة لعيونك حبيبتى
وورد الدنيا كله ليكى يا فينوس
منورانى دايما حبيبتى
وورد الدنيا كله ليكى يا فينوس
منورانى دايما حبيبتى
إرسال تعليق